Бүген Чаллы хакиме Наил Мәһдиев белән аппарат киңәшмәсе узды. Маршрут схемаларын җайга салу дәвам итә.
Чаллы хакиме җәмәгать транспорты мәсьәләсенә тукталды. Ул җаваплы җитәкчеләрне халык арасында аңлату эшләре алып барырга чакырды.
«Шәһәр урамнарында 135 зур автобус йөри.Барлык маршрутларда автобусларны тиешенчә йөртү өчен безгә тагын кимендә зур сыйдырышлы 200 автобус кирәк», — диде Наил Мәһдиев.
1 февральдә Чаллыда айлык юл йөрү билетлары гамәлгә керәчәк.