Төзүчеләр көнендә Чаллыда Евгений Батенчук һәйкәленә чәчәкләр салдылар

Бүген Евгений Никанорович Батенчук һәйкәле янында Төзүчеләр көне хөрмәтенә чәчәкләр салу тантанасы булды. ЧарадаТР Төзелеш, архитектура һәм торак-коммуналь хуҗалык министры урынбасары Илшат Гыймаев катнашты.

Легендар Чаллы төзүчесен, Камгэсэнергостройның беренче директорын искә алырга шәһәр хакиме Наил Мәһдиев, шәһәрнең Мактаулы гражданнары, Шәһәр Советы депутатлары, «КамГЭСэнергострой» предприятиесе ветераннары, шәһәрнең төзелеш предприятиеләре җитәкчеләре һәм хезмәткәрләре килде.