Чаллыдан махсус хәрби операция зонасына чираттагы шефлык ярдәме җибәрелде. Барлыгы 15 тонна йөк озатылды.
Аның составына мотоцикл, азык-төлек, медикаментлар һәм махсус җиһазлар керде.
Шефлык ярдәмен җыярга Татарстан Дәүләт Советы депутаты Андрей Ляпунов, Шәһәр Советы депутатлары – Таһир Сөнгатуллин, Марсель Төхвәтуллин, Раил Миннегалиев, Марат Мөхәммәдиев һәм башкалар ярдәм итте.
«Мин хәрби хезмәткәрләребезнең язмышына битараф булмаган эшмәкәрләргә, предприятие һәм оешма җитәкчеләренә, шәһәр халкына рәхмәт белдерәм. Чаллы – актив, игелекле кешеләр шәһәре», – диде Чаллы хакиме Наил Мәһдиев.