Наил Мәһдиев башкарма комитет хезмәткәрләрен якынлашып килүче Яңа ел белән котлады. Шәһәр хакиме хезмәткәрләргә узып баручы елда нәтиҗәле эшләүләре өчен рәхмәт белдерде: «Хөрмәтле хезмәттәшләр! Кешеләр белән эшләү – җиңел түгел. Сезнең һәркайсыгыз да ярты миллионлы шәһәрнең имин тормышын тәэмин итүгә өлеш кертә. Без сезнең белән бергә шәһәр халкы алдында, 534 мең Чаллы кешесе алдында бурычларыбызны үтибез. Сезнең эшегезнең әһәмияте кайвакыт күренми, әмма ул мөһим», - дип билгеләп үтте ул.
Наил Мәһдиев алдынгы хезмәткәрләргә бүләкләр тапшырды.
Мактау грамоталары һәм Рәхмәт хатлары белән Гражданлык хәле актларын теркәү идарәсе, җир һәм мөлкәти мөнәсәбәтләр идарәсе, оештыру бүлеге, хаким эшчәнлеген тәэмин итү бүлеге, мәдәният идарәсе,эш кәгазьләрен алып бару идарәсе, район хакимияте хезмәткәрләре бүләкләнде.