16 февраль көнне илебез автосәнәгате һәм Татарстан тарихында истәлекле дата: 50 ел элек Яр Чаллы шәһәрендә беренче КАМАЗ чыгарылды. Г.М. Хәкимова исемендәге картиналар галереясендә «Картиналарда, фотографияләрдә, документларда КАМАЗ тарихы» дип исемләнгән күргәзмә ачылды.
Фотокүргәзмә экспонатлары белән Чаллы хакиме Наил Мәһдиев танышты.
Экспозициядә архив сурәтләре, уникаль документлар тәкъдим ителде.
Экскурсияләр вакыты: эш көннәрендә – 11:00, 13:00 һәм 15:00; ял көннәрендә – 13:00 һәм 15:00. Язылу һәм белешмәләр өчен телефон: +7 (8552) 38-16-24.