Наил Мәһдиев 38/15 йортта булды

Шартлау булган 38/15 йортына Яр Чаллы мэры Наил Мәһдиев килде. Шартлау шактый көчле булган. Аның дулкыны белән ишек-тәрәзәләр чыгып очкан. “Аларны һичшиксез алыштырырга кирәк булачак. Тулы экспертиза үткәреп, тиз арада ремонт эшләренә керешәчәкбез», – диде мэр.

Мәгълүм булганча, хуҗалары бу фатирны 21 яшьлек егеткә вакытлыча файдалануга биргән булган. Ир-ат Тукай районыннан килеп, шәһәр предприятиеләренең берсендә эшләгән.

Бүгенге көндә тикшерү эшләре бара.