Чаллы хакиме Наил Мәһдиев сугыш ветераннары госпиталендә МХО ветераннары янына барды

Ул анда дәваланучы махсус операция катнашучыларының хәлен белеп кайтты.

Реабилитация узучы хәрбиләр Чаллы хакименә Наил Мәһдиевка ярдәме өчен рәхмәт белдерде. Очрашуда шулай ук госпитальнең баш табибы Резеда Мәүзүтова һәм шәһәрнең сәламәтлек саклау идарәсе җитәкчесе Рөстәм Ногманов катнашты.

Очрашу азагында Наил Мәһдиев ветераннарга бүләк тапшырды.