Бүген Чаллыдан чираттагы гуманитар ярдәм партиясе чыкты. Йөк машиналары колоннасы Лисичанскида яшәүчеләргә ярдәм белән юнәлде. 6,7 млн сумлык йөк өч автомобиле җибәрелде, аларның һәрберсе 20 тонна йөк сыйдырышлы. Бу Чаллыдан беренче генә юллама түгел инде. Шәһәр мэры Наил Мәһдиев билгеләп үткәнчә, әлеге активлык Чаллы халкының битараф булмавын тагын бер кат ассызыклый: "Без сезнең белән бергә кешеләргә гуманитар ярдәмнең алтынчы партиясен җибәрәбез. Сезнең ярдәм белән тагын бер йөк формалашты. Чаллы шәһәре - максатчан, актив кешеләр шәһәре генә түгел, ул игелекле кешеләр шәһәре дә. Бу машиналарга бүген он, шикәр комы, бер тапкыр кулланыла торган савыт-саба һәм кайнар туклануны оештыру өчен кирәк-ярак төялде. Күпчелек азык-төлек шәһәр хисабыннан түләнде. Күп кенә хезмәттәшләребез, Башкарма комитет хезмәткәрләре оператив рәвештә колоннаны формалаштыру өчен барысын да эшләделәр. Безне эре һәм урта бизнес предприятиеләре хуплады", - диде мэр.
"Металл Вектор" компаниясен Александр, Илдар, Илшат һәм Михаил (фамилияләре аларның шәхси үтенече буенча күрсәтелмәгән) билгеләп үтәргә кирәк, әлеге компания хезмәткәрләре акча һәм продукт җыюда катнаштылар. Шулай ук йөк составына Марсель Насыйпов һәм Илнур Мостафиннан ярдәм керде.