Бүген Чаллы хакиме Кубогы өчен көрәшергә килгән боксчылар һәм мактаулы кунаклар «Олимпийский» спорткомплексы янында агачлар утыртты.
«Без шәһәрнең иҗтимагый урыннарында агачлар утыртуны традициягә керттек. Без спортчылар белән бергә спорт вакыйгасыннан матур тәэсирләр генә калдырмыйбыз, агачлар да утыртабыз. Алар безнең яшел шәһәребезне бизәячәк. Агач, куаклар утырту бездә хуплана. Шунысы сөенечле, бу эштә шәһәрнең күренекле кунаклары да катнаша. Аларга боксны популярлаштырган һәм шәһәрне яшелләндерүдә катнашканнары өчен бик зур рәхмәт», – диде Наил Мәһдиев.