Театрның сәнгать җитәкчесе Олег Кинҗәгулов шәһәр һәм республика хакимиятләренә һәм тамашачыларга ярдәмнәре өчен рәхмәт белдерде.
Тантаналы чарада Башкарма комитет җитәкчесе Фәрид Салахов катнашты. Ул коллективны истәлекле вакыйга белән котлады, театрның татар милли мәдәниятен саклауга һәм үстерүгә керткән зур өлешен, шулай ук Яр Чаллы шәһәрендә яшәүчеләрнең тамашачы зәвыгын һәм рухи тормышын тәрбияләүдә аерым ролен билгеләп үтте.
Иң яхшы хезмәткәрләренә Рәхмәт хатлары һәм Мактау грамоталары тапшырылды. Театр коллективы исеменнән Рәхмәт хаты белән театрның сәнгать җитәкчесе Олег Кинҗәгулов бүләкләнде.
Театр сәнгатен үстерүгә керткән өлешләре өчен Чулпан Арслановага, Руслан Ибраһимовка, Рәзил Фәхертдиновка Татарстан Республикасы атказанган артисты исеме бирелде.