Яр Чаллы йогышлы авырулар хастаханәсе базасында шәфкать туташлары өчен «Медицина ярдәме күрсәтү белән бәйле инфекцияләрне профилактикалауда урта медицина персоналының роле» дигән темага республика конференциясе узды.
Конференция эшендә сәламәтлек саклау идарәсе җитәкчесе урынбасары Айгөл Борһанова катнашты, тыңлаучылар Яр Чаллы учреждениеләренең шәфкать туташлары, шул исәптән НЧИБ белгечләре дә булды. Белем бирү программасын ТР Шәфкать туташлары ассоциациясе катнашында шәһәрнең баш шәфкать туташлары советы оештырды.