26 микрорайон халкы өчен Яшь Ленинчылар бульварында «Ишегалды бәйрәме» узды. Чарада Башкарма комитет җитәкчесенең беренче урынбасары Илья Зуев катнашты. Бәйрәмдә «Мәктәпкә җыенырга ярдәм ит» акциясе кысаларында аз керемле гаиләләрдә тәрбияләнүче балаларга сертификатлар тапшырылды.
"26 комплекс" ТИҮ рәисе Марина Җәләлиева микрорайонда яшәүче иң актив чаллылыларга Рәхмәт хатлары тапшырды. Халык чараны оештыручыларга аралашу мөмкинлеге, уңай кәеф, концерт программасы өчен рәхмәт белдерде. Концерт программасы 1 нче шәһәр балалар һәм яшьләр иҗат сараеның иҗади коллективы тарафыннан тәкъдим ителде һәм кич буе бәйрәм атмосферасын саклады.