Все фото
Эшмәкәрләр үз проектларын Чаллы хакиме Наил Мәһдиев җитәкчелегендәге инвестицион проектларны карау комиссиясенә тәкъдим итте.
Беренче компания йөк автомобильләре өчен запас частьләр җитештерү буенча завод төзелеше проектын тәкъдим итте.
Үз куәтләрен Чаллыда композит баллоннарны серияле җитештерүдә махсуслашкан компания дә җәелдерергә планлаштыра.
Тәкъдим ителгән өченче проект кысаларында Академик Королев урамында күп профильле заманча медицина үзәге төзү планлаштырыла.
Бу проект бер яклы хуплау алды. Наил Мәһдиев инициативаның социаль юнәлештә булуын ассызыклады: «Шәһәр һәм Кама аръягы халкы өчен кирәкле һәм мөһим проектны хупларга кирәк. Бу зур хезмәтләр базары, перспектива бар».