Яр Чаллы хакимиятендә Комсомол районы башлыгын сайлау буенча комиссия
утырышы үтте. Әлеге вазифага 3 кеше дәгъва кылды. 2 ир-ат һәм 1 хатын кыз.
Аларның исемнәре бүгенге көнгәчә сер итеп сакланды.
Район башлыгы итеп шәһәр хакимиятендә хокук идарәсен җитәкләгән Ленар Әхмәтҗанов тәкъдим ителде. Аңа 36 яшь. Баулы районының Кызыл-Яр авылында туып үскән. Казан дәүләт университетында юрист һөнәрен үзләштергән. Башкарма комитетта 2008 елдан бирле эшли. 2015 елдан хокук идарәсе башлыгы вазифасын башкарды. Өйләнгән, ике баласы бар.