Чаллыда ата-аналар комитетлары өчен очрашу узды

23 гыйнварда 1 нче  шәһәр балалар һәм яшьләр иҗат сараенда мәгариф идарәсе башлыгы Рөстәм Хуҗинның Үзәк районның гомуми белем бирү оешмаларының ата-аналар комитетлары рәисләре белән очрашуы булды. Чара «түгәрәк өстәл» форматында узды.

Очрашуда катнашучылар мәктәпләрдә уку һәм тәрбия процессын оештыру буенча сораулар бирде. Чарада катнашучылар актуаль мәсьәләләр буенча фикер алышты. Киләсе очрашу Комсомол районында  планлаштырылды.