Бүген Яр Чаллыдан махсус хәрби операция зонасына шефлык ярдәме белән чираттагы партия – 40 тоннадан авыррак йөк озатылды. Бу быел дүртенче һәм махсус хәрби операция башланганнан бирле 54-нче партия.
Йөк озатуда шәһәр мэры Наил Мәһдиев, Россия Герое, генерал-полковник Олег Козлов, Шәһәр Советы депутатлары, Башкарма комитет идарәләре башлыклары, территориаль иҗтимагый үзидарә рәисләре катнашты.
«Мондый халыкны җиңеп булмый. Илебез халкы авыр минутта, авыр сәгатьтә һәрвакыт үз сугышчыларына ярдәм кулы сузарга әзер. Халык һәм армия бердәм!», — дип билгеләде шәһәр мэры.
Шефлык ярдәме эшмәкәрләр һәм депутатлар корпусы — Руслан Нигъмәтуллин, Андрей Ляпунов, Рөстәм Гәрәев, Раил Миңнегалиев, Константин Павлов, шулай ук «Татарстанның Логистика һәм автоташулар» коммерцияле булмаган ширкәте ассоциациясе, шәһәрнең Гражданнар хәле актларын теркәү идарәсе, «Мәдинә һәм аның командасы» оешмасы (махсус хәрби операция башланганнан бирле 1200 кг чәк-чәк әзерләп җибәргән) һәм «Своих не бросаем 16» ярдәмендә тупланды.