Татарстан Рәисенә Яр Чаллы шәһәрендә җитештерелгән техника күрсәттеләр

Бүген Яр Чаллы шәһәрендә, «Мастеровые» рус драма театрында Шәһәр Советының чираттагы сессиясе узды. Аның эшендә Татарстан Республикасы Рәисе Рөстәм Миңнеханов, министрлар, Татарстан Республикасы Дәүләт Советы депутатлары катнашты.

Килгән кунаклар башта театр янында Яр Чаллы шәһәрендә җитештерелгән  сазлыкта һәм карда йөри торган махсус техника, медицина машиналары, «Атоми» җиңел машинасын карады.