Азатлык мәйданында үзәк чыршыны тантаналы рәвештә ачтылар

Шәһәрнең өч районында бәйрәм чыршылары ачылды. Чаллылыларны якыннашып килүче бәйрәм белән Башкарма комитет җитәкчесе Фәрид Салахов котлады. Бәйрәм кәефен Чаллының иң яхшы артистлары һәм иҗат коллективлары тудырды. Килгән кешеләрне, кунакларны яңа ел бизәкләре сөендерде. Балалар өчен уеннар оештырылды, әкият персонажлары карнавалы узды һәм шугалак ачылды. Чаллылылар чыршыда яңа ел утларын Кыш бабай һәм Кар кызы белән бергә кабызды.