Винер Харисов Автозавод районының Ветераннар советы һәм Инвалидлар җәмгыяте активын якынлашып килүче Яңа ел бәйрәме белән котлады. Ул билгеләп үткәнчә, эпидемиологик хәл катлаулы булуга карамастан, район куелган барлык бурычларны да үтәде. «Безнең районның бер генә ветераны да игътибардан читтә калмады. Сәламәтлек ягыннан мөмкинлекләре чикләнгән кешеләр үзләрен ялгыз хис итәргә тиеш түгел», - диде ул.
Нәтиҗә ясаганнан соң, Винер Харисов кешеләрнең теләсә нинди инициативаларына ярдәм итәргә әзер булуын белдерде, актив эшчәнлекләре өчен барысына да рәхмәтен белдерде һәм истәлекле бүләкләр тапшырды.