Шәһәр бюджетыннан табибларга бер тапкыр бирелә торган түләү ике йөз мең сумга кадәр арттырылды

Яр Чаллыга башка шәһәрләрдән күчеп килгән табибларга шәһәр бюджетыннан бер тапкыр бирелә торган түләү ике йөз мең сумга кадәр арттырылды. Тиешле Карарга Башкарма комитет җитәкчесе Фәрид Салахов кул куйды. Элегрәк бу сумма йөз мең сум тәшкил иткән. Исегезгә төшерәбез, әлеге табибларга республика бюджетыннан өстәмә рәвештә 800 мең сум акча бүлеп бирелә.