13, 14, 15 октябрь көннәрендә Бөтен дөнья “Татарча диктант” белем тикшерү акциясендә катнашачак. Быел ул сигезенче тапкыр уза.
Акциянең максаты – татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, татар теле белгечләрен һәм туган тел (татар теле) укытучыларын тагын да популярлаштыру.
Быел Татарстанда язылачак диктант өчен Рөстәм Галиуллинның “Васыять” романыннан өзекләр сайланган. Төбәкләр һәм чит илләр өчен текстлар башка.Быел диктантны 41нче мәктәп укытучысы Гөлия Вәгыйзова укыды. Башкарма комитетта диктантны идарә, бүлек башлыклары, белгечләр язды.