Хәзер 01:33
,
13.5 °C
Хәзер 01:33
,
13.5 °C
2021-2022 уку елы нәтиҗәләре буенча 77 нче гимназиягә, 30 нчы урта белем бирү мәктәбенә, 104 нче балалар бакчасы һәм 15 нче балалар иҗат сараена мэр гранты бирелде. Мәктәпләргә - 1 миллион, балалар бакчасына һәм 15 нче балалар иҗат сараена -500 мең сум күләмендә грантлар тапшырылды.
Яр Чаллы волонтер-медиклары мобилизацияләнгән шәһәрдәшләребезгә һәм аларның гаиләләренә ярдәм күрсәтә. " Без ир-егетләребез белән чиксез горурланабыз, үзебезнең хөрмәтебезне һәм кайгыртучанлыгыбызны янәшәдә булу белән дәлиллибез", – дип уртаклашты Чаллы медицина көллиятенең икенче курс студенты Даша Щеглова.
15 октябрьдә 13:00 сәгатьтә 11нче олимпия резервы спорт мәктәбендә Виктор Паненко истәлегенә ир-егетләр командалары арасында волейбол буенча Идел буе федераль округы кубогын ачу тантанасы узачак, анда 4 команда катнашачак: 1. "Динамо" Ульяновск шәһәре, тренеры Владимир Корнилов. 2. "Лада" Тольятти шәһәре, тренеры Виктор Чистяков. 3. "Динамо-1" Яр Чаллы шәһәре, тренеры Максим Фролов. 4. "Динамо-2" Яр Чаллы шәһәре, тренеры Максим Фролов.
7нче шәһәр поликлиникасың мобиль бригадасы «РИАТ» ААҖ бүлекчәләрендә вакцинация үткәрә. Бүген предприятиенең 68 хезмәткәре "Спутник V" препараты белән вакцинацияләнде. Икенче тапкырын борынга тамызу рәвешендәге вакцина аша 51 хезмәткәр алды. 26 кеше гриппка каршы прививка ясатты. Эш бирүче хезмәткәрләргә вакцинацияне җитештерүдән аерылмыйча гына уза алсын, шуның белән үзен һәм якыннарын респиратор-вируслы авырулардан саклап калу өчен шартлар тудырган. Вакцинация алдыннан табиб тикшерүе үткәрелә. Тискәре күрсәткечләр ачыкланмаса, медик вакцинаның нинди ысулын казату яхшырак булуы турында консультация бирәчәк.
Пассажирларга хезмәт күрсәтүнең сыйфатын яхшырту максатыннан 14 октябрьдән 7, 12, 13 һәм 27 маршрутлары автобусларында QR-кодлар ярдәмендә юл йөрү өчен түләү гамәлгә кертелә. Моның өчен әлеге автобус маршрутлары салоннарында QR стикерлары һәм түләү буенча кыскача инструкция урнаштырылган. Пассажирга смартфонга "ТР Транспорт картасы" кушымтасын кертергә, телефон номеры буенча теркәлергә һәм банк картасын бәйләргә кирәк. Шуннан соң кушымтада автобус салонында урнаштырылган QR-кодны сканерлау кирәк, экранда хәрәкәт итү турында мәгълүмат пәйда булачак, «түләү» төймәсенә басасы. Шоферга «түләү тарихы»ннан дата, хәрәкәт итү вакыты, маршрут номеры һәм бәясе чагылдырылган электрон билет күрсәтелә.
