Хәзер 18:18
,
27.5 °C
Хәзер 18:18
,
27.5 °C
26 майда 09:00 сәгатьтән 17:00 сәгатькә кадәр барлык шәһәр китапханәләрендә Ачык ишекләр көне узачак. Тамашачыларны һәм укучыларны китап киштәләре буенча экспресс-экскурсияләр, мастер-класслар, күргәзмәләр, интерактив уеннар, өлкәннәр һәм балалар өчен конкурслар көтә. Барлык чаралар да бушлай үткәрелә һәм анда теләгән һәркем катнаша ала.
Шәһәр Советы депутатлары волейбол буенча 11 нче олимпия резервы спорт мәктәбенең реконструкциясен бәяләде.
Бүген Замелекесьеда урнашкан 39 нчы мәктәптә 11 нче сыйныфны тәмамлаучылар өчен соңгы кыңгырау чыңлады. Мәктәп 2018 елда төзелгән, 11а сыйныф уку йортының беренче чыгарылышы. Чыгарылыш сыйныф укучыларын шәһәр мэры Наил Мәһдиев котлады: "Рәхмәт сүзләре – безнең хөрмәтле укытучыларыбызга, мөгаллимнәребезгә, алар белем бирү белән генә чикләнмичә, үз эшләренә күңел җылыларын да салдылар, балалар белем алсыннар, дуслашырга, бер-берсен хөрмәт итәргә өйрәнсеннәр өчен зур көч куйдылар. Ата-аналар өчен бу көннәр шатлыклы һәм шул ук вакытта моңсу да. Кадерле чыгарылыш сыйныф укучылары! Язучы В. Каверинның сүзләрен истә тотыгыз: "көрәшергә һәм эзләргә, табарга һәм бирешмәскә!", бу кагыйдә сезнең йөрәкләрегездә яшәсен".
Медицина, спорт, балаларны укыту, фатир сатып алу чыгымнарын нәрсә берләштерә ала? Бу чыгымнарның барысы да салым ташламаларын алу өчен кулланылырга мөмкин. Россия Федераль салым хезмәтенең Татарстан Республикасы Яр Чаллы шәһәре буенча идарәсе салым түләүчеләрнең чыгымнар тотылган барлык салым ташламаларыннан файдалана алуларын искә төшерә, аларны 3-НДФЛ декларациясендә чагылдыра - бу медицина хезмәтләренә, балаларын укытуга якиүзенә белем ауга, спортка, фатир сатып алуга, йорт төзүгә тотылган чыгымнар. Мәсәлән, әгәр гражданин дәвалану узган һәм үткән елда баласының укуын түләгән булса, 3-НДФЛ декларациясендә бу ике чыгым да чагыла. Әгәр гражданин башлангыч Декларациядәге чыгымнарның берәрсен күрсәтергә оныткан икән, өстәмә ташламаны 3-НДФЛ декларациясен тәкъдим итеп күрсәтергә мөмкин. Шул ук вакытта төзәтелгән төгәлләнгән декларациядә барлык ташламаларны, ягъни элек белдерелгәннәрне дә, «онытылганнарны да» күрсәтергә кирәк. Мәсәлән, әгәр дә беренчел декларациядә дәвалау өчен ташлама күрсәтелгән булса, аны шулай ук төзәтелгән төгәлләнгән декларациядә күрсәтергә кирәк.
Киләсе су коену сезонына әзерлек планы нигезендә 24 майдан Татарстан Республикасы Гадәттән тыш хәлләр министрлыгының 6 нчы зона эзләү-коткару отряды белгечләре тарафыннан шәһәр пляжы территориясендә, гражданнарның күпләп ял итү урыннарында һәм сәламәтләндерү лагерьларында эшләү өчен коткаручы-матрослар әзерләү буенча теоретик һәм практик дәресләр үткәрелде.
