Новости

Сәясәт

Роспотребнадзор шәһәрдә начар иснең сәбәбен ачыклады

Татарстан Республикасы буенча Роспотребнадзор идарәсенең территориаль бүлеге башлыгы Илгизәр Бариев шәһәр мэры катнашындагы аппарат киңәшмәсе барышында Чаллыда узган атнада башланган ис чыганагы билгеле булуын хәбәр итте. "Ис "Кама" агрофирмасы гамәлләре нәтиҗәсендә, туфракка кош тизәге чыгарылу сәбәпле барлыкка килүе ачыкланды. Роспотребнадзор экологик хезмәтләр белән берлектә чыганакны билгеләде, хәзер процессуаль гамәлләр бара, хуҗалык җитәкчеләренә туфракның башка дислокация урыны тәкъдим ителәчәк. Җомга көнне эшләр туктатылды, аннан соң алга таба мондый йогынтыны киметү өчен тагын бер кат детальләр каралачак", – дип хәбәр итте Илгизәр Бариев.

Сәясәт

Быел чаллылыларны өч шәһәр пляжы көтә

Россия Гадәттән тыш хәлләр министрлыгының ТР буенча баш идарәсе ГИМС үзәгенең Яр Чаллы инспекторлык бүлеге җитәкчесе Абүзәр Ногманов шәһәр мэры катнашындагы аппарат киңәшмәсе барышында 2022 елда Чаллыда җиде кеше батып үлгән, шуларның икесе 14 яшьлек балалар, бу 2021 елга караганда 15%ка күбрәк, дип хәбәр итте. Быел әле андый очраклар теркәлмәгән. "Пляж-җәмәгать урыны, моңа игътибар зур булырга тиеш. Игътибар белән карыйбыз һәм җавап бирәбез. Бу су коенуга гына түгел, ә кечкенә судноларга да кагыла. Мондый су артериясе булу шәһәр өчен яхшы. Бу яхшылыкның безгә каршы эшләмәве кирәк", - дип ассызыклады шәһәр мэры Наил Мәһдиев. Татарстан Республикасы буенча Гадәттән тыш хәлләр министрлыгы боерыгы нигезендә, 2023 елның 1 июненнән 30 июньгә кадәр Татарстан Республикасы су объектларында куркынычсызлык айлыгы уза. Быел су коену сезоны 1 июньдә башлана һәм 31 августта тәмамлана. Чаллы инспекторлык бүлеге җаваплылыгы зонасында тугыз пляж файдалануга әзерләнә, шуларның өчесе шәһәр территориясендә. Бу шәһәр пляжларына :Табеев ис яр буе пляжы; Үзәк урамның Су Анасы пляжы; Раскольников урамындагы "Добрый ветер" вейк-паркы. Бу пляжлар санкцияләнгән һәм куркынычсыз. Моннан тыш, пляж буларак "Навигатор" спорт мәктәбе янында халыкның күпләп ял итү урынын җиһазландыру планлаштырыла. Хәзерге вакытта кече үлчәмле суднолар һәм пляжлар өчен базалар (корылмалар) эксплуатациягә әзерләнә. Бүгенге көндә кече үлчәмле суднолар тукталышлары өчен 9 база (корылма) файдаланыла башлады. Санкцияләнмәгән һәм куркыныч категориясенә кергән пляжлардан: Мәләкәс елгасы (Чаллы шәһәре, Колокольный күпере районында), «Жемчужина» шифаханәсе янында; Кама елгасы (Чаллы шәһәре, «Навигатор» л/с районы); Кама елгасы, Чаллы шәһәре, «Маяк» л/с районы; Шильнә елгасы, (Чаллы шәһәре, 48 комплекс артындагы күл); 44 комплекс артындагы Карьер һ.б.

Сәясәт

Чаллыда чик буе гаскәрләре көне билгеләп үтелде

Россия чик буе гаскәрләре оешуның 105 еллыгы уңаеннан Автозавод районы администрациясе чик буе хезмәтенең һәм ТР запас Чик сакчыларының Чаллы шәһәре буенча хәрби хәрәкәтләрендә катнашучыларның төбәк иҗтимагый оешмасы, Җиңү паркындагы «Заман» яшьләр үзәге белән берлектә «Ватан чик сакчыларына багышлана!» дип исемләнгән концерт программасы тәкъдим иттеләр.

Сәясәт

Чаллыда Дәүләт Советы һәм Шәһәр Советы депутатларын сайлыйлар

Чаллыда 20 нче "Электротехнический" бермандатлы сайлау округы буенча алтынчы чакырылыш Татарстан Республикасы Дәүләт Советы депутатын һәм 14 нче «Гренада» бермандатлы сайлау округы буенча дүртенче чакырылыш Татарстан Республикасы Яр Чаллы шәһәре муниципаль берәмлеге ШәҺәр Советы депутатына өстәмә сайлаулар уза. Округлар составына 7, 9, 11, 31, 40, 41, 56, 58, 59, 60 комплекслардагы торак йортлар территориясе, шулай ук Яңа шәһәрнең 4/01, 4/02, 4/04, 4/06, 4/20, 4/21, 4/22, 4/23, 4/25, 4/26, 4/27; 6/05, 6/06, 6/07, 6/13 торак йортлары территориясе карый. Тавыш бирү яшәү урыны буенча сайлау участокларында 20:00 сәгатьтә тәмамланачак. Сайлау участогына Башкарма комитет җитәкчесе Фәрид Салахов килде, анда Татарстан Республикасы Дәүләт Советы депутаты өчен тавыш бирү бара.

Сәясәт

Чаллыда өстәмә сайлаулар-2023

Бу якшәмбе, 28 майда, Чаллыда 20 нче "Электротехнический" бер мандатлы сайлау округы буенча алтынчы чакырылыш Татарстан Республикасы Дәүләт Советы депутатын һәм 14 нче «Гренада» бер мандатлы сайлау округы буенча дүртенче чакырылыш Татарстан Республикасы Яр Чаллы шәһәре муниципаль берәмлеге Шәһәр Советы депутатын өстәмә сайлаулар узачак.