Новости

Сәясәт

Өлкәннәр һәм Укытучылар көне уңаеннан бәйрәм чаралары узачак

Октябрь аенда чаллылылар ике мөһим вакыйга - Халыкара өлкәннәр көнен һәм Бөтендөнья укытучылар көнен билгеләп үтәчәкләр. Башкарма комитет җитәкчесе урынбасары Рамил Хәлимов чараларның ничек узачагын сөйләде: « Өлкән буын декадасын үткәрү өлешендә билгеле бер үзгәрешләр бар. Без күп санлы кешеләр җыеп «Энергетик», «Камаз» мәдәният сарайларында, С.Садыйкова исемендәге Концертлар залында чаралар уздырмыйбыз. Әмма чаралар мәгариф, спорт, мәдәният, сәламәтлек саклау учреждениеләрендә үткәреләчәк. Әлбәттә, предприятиеләр үз ветераннарын чакырып, предприятие кысаларында бәйрәмнәрен үткәрәчәкләр ».

Сәясәт

Александр Николаев: «Реанимация бүлекләрендә вакцинацияләнгән пациентлар юк»

Яр Чаллыда коронавирус инфекциясенә һәм гриппка каршы прививка ясау кампаниясе бара. Вакцинация барышы турында сәламәтлек саклау идарәсе җитәкчесе Александр Николаев һәм Роспотребнадзорның территориаль бүлеге башлыгы урынбасары Лемуза Нафигуллина сөйләделәр.

Сәясәт

Яр Чаллыда «Аңлый торган укытучы - 2021» конкурсына йомгак ясадылар

Чаллының 68 мәктәбендә «Аңлый торган укытучы - 2021» шәһәр конкурсы үткәрелде. Быел конкурста 562 педагог катнашты. Мәктәп советлары активистлары социаль челтәрләрдә дә, мәктәпләрдә дә тавыш бирү оештырдылар. 12 нче мәктәптә яшь белгеч – тарих укытучысы Альберт Баһабиев аңлый торган укытучы булды, ул әлеге мәгариф учреждениесендә бер ел эшли. Ә 20 нче мәктәптә иң күп тавышны 45 еллык педагогик стажы булган башлангыч сыйныф укытучысы Людмила Мифтахова җыйды.

Сәясәт

Яр Чаллыда «Мастеровые» театрының яңа бинасы 38%ка әзер

«Мастеровые» рус драма театры бинасының әзерлеге 38% тәшкил итә. Хәзерге вакытта объектта кирпечтән бүлгеләр һәм тышкы стеналар салына, 4 нче катның монолит вертикаль конструкцияләр урнаштырыла, бизәү эшләре, тышкы һәм эчке инженерлык челтәрләрен көйләү эшләре бара. Төзелеш мәйданчыгында 169 кеше эшли.

Сәясәт

Яр Чаллыда 2 600дән артык агач утыртылды

Яр Чаллыда агач утырту һәм шәһәр территорияләрен җыештыру дәвам итә. Чулман проспектында, 46 комплекс буйлап, 122 чыршы, Иске Сарман урамында 200 тирәк, 25 комплексында йорт яны территориясендә 33 нарат, миләш һәм алмагач, Кәреселидзе бульварында 18 нарат, Тукай исемендәге яр буенда 18 тирәк һәм нарат, Шишкин бульварында 15 чыршы утырттылар.