Новости

Сәясәт

Яр Чаллыда Татарстанның атказанган мәдәният хезмәткәре Флера Хөрмәтова юбилеен билгеләп үтә

Комсомол районында Татарстанның атказанган мәдәният хезмәткәре Флера Хөрмәт кызы Хөрмәтова 80 яшьлек юбилеен билгеләп үтә. Флера Хөрмәт кызы, баянчы, Татарстан Республикасының атказанган артисты, Фәйзулла Туишев исемендәге гармунчылар конкурсы лауреаты, Татарстанның атказанган мәдәният хезмәткәре, 1942 елның 1 июнендә ТАССРның Әгерҗе районы Мукшур авылында туа. Мәктәпне тәмамлаганнан соң, Лениногорск музыка-сәнгать педагогика көллиятен, аннан соң Казан дәүләт мәдәният һәм сәнгать университетының баян классы буенча оркестр бүлеген тәмамлый.

Сәясәт

Яр Чаллыда +27 градуска кадәр җылы булачак

2 июньдә Яр Чаллыда алмашынучан болытлы һава көтелә, явым-төшемсез. Җил көньяк-көнбатыштан, көнбатыштан 3-8 м/с тизлектә. Т өнлә минималь һава температурасы +8..+12˚. Көндез максималь һава температурасы +22..+27˚.

Сәясәт

Яр Чаллы паркларында Балаларны яклау көне уңаеннан чаралар уза

ГЭС поселогының Мәдәният һәм ял паркында Балаларны яклау көненә багышланган бәйрәм чарасы узды. Бәйрәм чарасын Комсомол районы хакимияте башлыгы урынбасары Эльвира Вәлиева ачып җибәрде: «Сезне Балаларны яклау көне белән котлыйм! Балачак – теләсә кайсы кеше тормышында иң тылсымлы вакыт. Һәр бала әти-әнисенең кайгыртучанлыгын тоеп яшәсен иде. Күкләребез һәрвакыт аяз, ә һәр яңа көн –игелекле һәм кызыклы булсын».

Сәясәт

«КАМАЗ» футбол клубы җанатарлары арасында анкеталаштыру үткәрә

«КАМАЗ» футбол клубы анкеталаштыру оештырды. Аның нәтиҗәләре буенча җанатарларның теләкләрен һәм аларны өй матчларына җәлеп итү юлларын белеп булачак. Сораштыруда катнашучыларның барысы да футбол клубы партнерларыннан кыйммәтле призлар уйнатуда автомат рәвештә катнаша. Призлар уйнату анкеталаштыру нәтиҗәләре буенча үткәреләчәк.

Сәясәт

Күп балалы Яр Чаллы гаиләсенә төзелеш материаллары алу өчен сертификат тапшырылды

Балаларны яклау көнендә Үзәк районы хакимияте башлыгы вазифаларын башкаручы Алексей Тарабукин һәм Татарстан Республикасы Дәүләт Советы депутаты Николай Атласовның ярдәмчеләре Людмила Кунце һәм Эдуард Сабиров Үзәк районы территориясендә яшәүче күп балалы Быдановлар гаиләсендә кунакта булдылар. Станислав белән Анна тугыз бала тәрбиялиләр, өлкәнрәкләре – студентлар, ә иң кечкенәсенә – алты яшь.