Хәзер 03:53
,
19.5 °C
Хәзер 03:53
,
19.5 °C
Бүген шәһәр мэры Наил Мәһдиев рәислегендә Шәһәр Советының биш даими комиссиясенең уртак утырышы булды. Депутатлар 4 августка билгеләнгән шәһәр парламентының булачак утырышы буенча фикер алыштылар.
28 июль көнне Тантаналар сараенда ана (гаилә) капиталына сертификатлар тапшырылды. Бу көнне Яр Чаллының 15 гаиләсе сертификатка ия булды. ГХАТ идарәсе җитәкчесе Равилә Зарипова һәм Пенсия фонды җитәкчесе, Шәһәр Советы депутаты Эдуард Фәттахов гаиләләрне котладылар һәм сертификатлар тапшырдылар.
Яр Чаллыда мәктәпләрдә һәм балалар бакчаларында куркынычсызлык системасын көчәйтергә планлаштыралар. Бу хакта даими комиссия утырышында шәһәр мэры Наил Мәһдиев хәбәр итте. Ул билгеләп үткәнчә, бу максатларга акча шәһәр бюджетының өстәмә керемнәреннән бүленеп биреләчәк. « Росгвардия, Эчке эшләр министрлыгы, прокуратура күрсәткән барлык таләпләр буенча техник ныгыту 600 млн сум тора. Узган ел нәтиҗәләре буенча шәһәр бюджетында өстәмә керемнәр бар, һәм без аларны балалар иминлегенә юнәлтәчәкбез дигән карар кабул иттек. Аңлашыла ки, һәр мәктәп һәм балалар бакчасыннан ныгытма ясап булмый, әмма аларны теләсә нинди кеше керә алмаслык итеп ясауга омтылу – безнең бурыч ».
Президиум IV чакырылыш Шәһәр Советының VIII утырышын үткәрү датасын билгеләде. Ул 4 августта 10:00 сәгатьтә мэриянең 405 залында Zoom платформасын кулланып узачак. Көн тәртибенә ун мәсьәлә кертеләчәк, шул исәптән «Дәүләт милли сәясәтен гамәлгә ашыру һәм Туган телләр һәм халыклар бердәмлеге елын үткәрү турында».
41 нче мәктәп территориясендә шәһәрнең өлкән буын кешеләре өчен скандинавия йөреше буенча мастер-класс узды. Чара 35, 36, 37 һәм 41 комплекс халкы өчен үткәрелде. Монда 30га якын кеше йөрү техникасына өйрәнергә җыелды. Дәресне сертификацияләнгән инструктор Роза Зәйнуллина үткәрде.
