Хәзер 01:47
,
20.5 °C
Хәзер 01:47
,
20.5 °C
Спорт ярышларыннан һәм тематик чаралардан соң Яр буе паркы майданында меңләгән чаллылылар һәм шәһәр кунаклары өчен «Күңел» радиостанциясеннән концерт программасы оештырылды.
Быелгы Чаллы Сабантуенда 2023 елның абсолют батыры билгеле булды. Ул Эльдар Хәмитов. Титул өчен көрәш 130 килограммга кадәр авырлыкта узды. Финалдагы милли көрәштә Азат Абдрашитов һәм Эльдар Хәмитов очрашты. Җиңүче һәм абсолют батыр булып Эльдар Хәмитов танылды. Батырны шәһәр мэры Наил Мәһдиев котлады. Ул чемпионга призлар тапшырды, быел бу традицион бәрән генә түгел, ә яңа "Москвич" автомобиле дә.
Чаллы ипподромында традицион спорт ярышлары уза. Сабантуй хөрмәтенә ат чабышларына бөтен Татарстан һәм күрше республикалардан спортчылар җыелды. «Аударыш» ярышында чиста канлы атларның традицион ярышларына ишәкләр һәм понилар кушылды. Ат ярышлары авыр класстагы конкурстан башланды. Аннары чабыш юлына «Тулпар» ат спорты мәктәбе җайдаклары чыкты. Алга таба 1600 метр дистанциядә "рысак"лар йөгереше узды.
ТР Премьер-министры Алексей Песошин һәм Чаллы шәһәре мэры Наил Мәһдиев татарстанлыларны бүләкләделәр. Җиде кеше дәүләт бүләкләре алды, республиканың 27 кешесенә Рәхмәт хатлары тапшырылды. Бүләкләнүчеләр арасында чаллылылар да бар.
Шәһәр мәйданында «Сабантуй – дуслык һәм хезмәт бәйрәме» театральләштерелгән тамашасы башланды. Спектакльдә шәһәрнең 1500 артисты, биючесе, профессиональ һәм иҗади коллективлары, урта махсус уку йортлары, югары уку йортлары студентлары һәм мәктәп укучылары катнаша.
