Шәһәрнең "Яр буе" паркында "Татарстан кроссы" ярышлары узды. Чарада 22 меңгә якын кеше катнашты. Балалар бакчасына йөрүчеләрдән алып өлкән яшьтәгеләргә кадәр. Өч дистанция билгеләнде. Кечкенәләргә - 400 м, мәктәп укучыларына, студентларга һәм төрле учреждение хезмәткәрләренә 1 км һәм 4 км йөгерергә кирәк иде. Ярышларда физик мөмкинлекләре чикле шәһәрдәшләр дә катнашты. Призлы урыннар яулаган спортчылар грамота, медальләр белән бүләкләнде.