Хәзер 03:21
,
19.5 °C
Хәзер 03:21
,
19.5 °C
Төп дәүләт имтиханына йомгак ясалды. Бу турыда матбугат конференциясе барышында мәгариф идарәсе башлыгы Рөстәм Хуҗин сөйләде. Быел ТДИнын тугызынчы сыйныфны тәмамлаучы 5 514 укучы тапшырган. Бу максатлар өчен Чаллыда 17 имтихан тапшыру пункты эшләде.
Яр Чаллы шәһәренең күп фатирлы йортларында иске аналоглар урынына "акыллы домофон"нар урнаштыру дәвам итә. Цифрлы домофоннар тышкы и шекне кесә телефоны яки аналог трубка белән ачарга, кунакны яки ишегалдында йөрүче балаларны күрергә, автотранспортны күзәтергә мөмкинлек бирә. Домофоннар югары резолюцияле видеокамералар белән җиһазландырылган.
Бүген Тантаналар сараенда 14 яше тулган чаллылыларга паспортлар тапшыру тантанасы булды. Россия Федерациясе гражданының төп документын шәһәр мэры Наил Мәһдиев тапшырды.
Үзәк шәһәр китапханәсендә 14 июльдә 16:00 сәгатьтә Татьяна Гостюхинаның беренче шәхси күргәзмәсе ачыла. Ул шәһәр күргәзмәләрендә актив катнашучы, төрле техникада һәм юнәлешләрдә эш итә. 2015 елдан ТР халык рәссамы Мадияр Хаҗиев кул астында шөгыльләнә. Экспозициядә ул үз эшләрен генә түгел, ә шәхси җыентыгындагы рәссам дусларының картиналарын да тәкъдим итәчәк. Рәссамны дуслары, хезмәттәшләре, иҗат сөючеләр, шәһәрнең танылган рәссамнары котларга киләчәк. Керү ирекле.
Шәһәр мэры Наил Мәһдиев Җәмигъ мәчетенең баш архитекторы Әнвәр Саттаров , шәһәрнең мөхтәсибе Әлфәс хәзрәт, меценатлар белән берлектә мәчет төзелеше барышы белән танышты.
