Новости

Сәясәт

Яр Чаллыда Сталинград сугышында катнашучыларны котладылар

Яр Чаллыда Сталинград сугышында катнашучыларны котладылар. Билгеләп үтик, 2 февраль — Сталинград сугышында совет гаскәрләренең немец-фашист гаскәрләрен тар-мар итү көне. Бу истәлекле дата уңаеннан 1926 елда туган, Сталинград сугышында катнашкан Мария Леонтьевна Залоганы Яр Чаллы шәһәре муниципаль берәмлеге башлыгы урынбасары Ирина Сәгыйдуллина һәм Автозавод районы администрациясе башлыгы Винер Харисов карадылар. Ветеранга батырлык, рухи көч һәм патриотизм өчен рәхмәт белдерделәр, нык сәламәтлек теләделәр һәм истәлекле бүләк тапшырдылар.

Сәясәт

Чаллылылар укучыларны кайнар аш белән тәэмин итүне оештыру буенча сораулар бирә алалар

2 февральдә Татарстан Республикасы гомуми белем бирү оешмаларында укучыларны кайнар аш белән тәэмин итүне оештыру мәсьәләсе буенча «Хатын-кыз игътибары» кайнар линиясе узачак.

Сәясәт

Чаллыда төзелә торган балалар бакчаларына электрон язылу ачылды

Яр Чаллыда быел барлыкка киләчәк яңа балалар бакчалары «Электрон балалар бакчасы» автоматлаштырылган мәгълүмат системасына кертелде. Бу хакта Мәгариф һәм яшьләр белән эшләү идарәсе башлыгы Рөстәм Хуҗин атна саен үткәрелә торган матбугат конференциясендә хәбәр итте: « Бу балалар бакчалары әле төзелә генә, әмма аларга чират ачык инде».

Сәясәт

Бөек Ватан сугышы ветераннарын 90 яшьлек юбилее белән котладылар

Бөек Ватан сугышы ветераннары Фәимә Шәйморатова, Нинель Ильинична Лакомкина һәм Василий Филиппович Москвичев 90 яшьлек юбилеен билгеләп үтә. Юбилярларга Россия президенты Владимир Путин һәм Чаллы мэры Наил Мәһдиев исеменнән котлау һәм бүләкләрне тапшырдылар. Комсомол районы башлыгы урынбасары вазыйфаларын башкаручы Алсу Хамматова, ТИҮ рәисләре Галина Мамонтова һәм Әлфия Гыйззәтуллина.

Сәясәт

Яр Чаллыда яшь гаиләләр өчен "Гаилә бәхете дәресләре" укыта башлаячаклар

Яр Чаллыда яшь гаиләләр өчен дәресләр сериясе старт ала. Беренче дәрес 6 февраль көнне 11:00 сәгатьтә «Орион» яшьләр үзәгендә, алдагысы 10 февраль көнне 17:30 сәгатьтә ЗАГС идарәсендә узачак. Дәресләрне «Орион» яшьләр үзәге белгече, психолог, 20 елдан артык стажлы трансформацион тренер Елена Гагинская үткәрәчәк.