Хәзер 03:01
,
20.5 °C
Хәзер 03:01
,
20.5 °C
2021 ел башыннан Чаллыда үзмәшгуль гражданнар саны 38%ка арткан. Алар бүген шәһәрдә 17 меңнән артык. Кече һәм урта эшмәкәрлек субъектлары кебек үк, быелдан үзмәшгульләр милек, финанс, консультация ярдәменә мөрәҗәгать итә алалар.
Төп капиталга инвестицияләр күләме шәһәр икътисадының үсешен билгели торган күрсәткеч булып тора. Беренче яртыеллыкта кертелгән инвестицияләр күләме 19,8 млрд сум тәшкил итте, бу узган елдагыдан 9%ка артык. Бу хакта мэриядә узган иртәнге киңәшмәдә шәһәр Башкарма комитеты җитәкчесе урынбасары Наталия Кропотова хәбәр итте.
Алгарышлы социаль-икътисади үсеше территориясе эшчәнлеге нәтиҗәләрен Башкарма комитет җитәкчесе урынбасары Наталия Кропотова җиткерде. Ул билгеләп үткәнчә, ТОСЭР резидентлары шәһәр икътисадына сизелерлек өлеш кертә. Алар хәзер 38. Резидентлар тарафыннан 19,1 млрд сум инвестицияләнгән, 6100 эш урыны булдырылган. Беренче яртыеллык нәтиҗәләре буенча гомуми керем күләмендә резидентлар өлеше 9,3% тәшкил итә.
Яр Чаллыда эшсезлек дәрәҗәсе 0,54%ны тәшкил итә. Хәзерге вакытта Яр Чаллыда эшсезләр сыйфатында 1 534 граждан теркәлгән. Ел башыннан Яр Чаллыда 5 962 кеше эшкә урнаштырылган. Җәйге чорда 2 836 укучы эшкә урнашкан. Мәгълүматне "Рәсәй эше" кадрлар үзәге җитәкчесе Татьяна Быданова җиткерде: « Июнь аенда – 1000, июль аенда шулай ук – 1000 кеше эшләде, хәзер, август аенда, 560 кеше. Эшләргә теләгән барлык кеше дә эш урыннар таптылар ».
Юлчылар «Сосновая роща» һәм «Юбилейный» бакчачылык ширкәтләренә керү юлларын ремонтлауга керешәчәкләр. Бу хакта аппарат киңәшмәсендә Башкарма комитет җитәкчесенең беренче урынбасары Илья Зуев хәбәр итте: « Килешү төзелгән, контракт бар. «Сосновая роща»га – 5 млн сум, «Юбилейный»га – 7,6 млн сум бүлеп биреләчәк. Биредә эшне кыска вакыт эчендә тәмамларга планлаштырабыз, эшнең күләме зур түгел », – дип тәмамлады ул.
