Хәзер 12:39
,
23.8 °C
Хәзер 12:39
,
23.8 °C
Бүген, 23 сентябрьдә, 9:00 сәгатьтән 17:00 сәгатькә кадәр электр энергиясе өзелү сәбәпле, М-7 федераль трассасының 1049 чакрымында светофор эшләмәячәк ("Гараж 2000" ГК районында). Хәрәкәт иткәндә юл билгеләренә таянып эш итүегез сорала.
22 нче сентябрьдә Чаллыда аязучан болытлы һава көтелә. Урыны белән кыска вакытлы яңгыр. Җил көньяк-көнчыгыштан, көнчыгыштан, 5-10, урыны белән көчәйгәндә 14 м/с тизлектә.
Бүген Казан Кремлендә «Адымнар — белемгә һәм бердәмлеккә юл» полилингваль комплекслар челтәре проектын гамәлгә ашыруда катнашучылар белән очрашу узды. Татарстан Республикасы Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев социаль әһәмиятле проектны үстерүгә аерым өлеш кертүчеләргә Рәхмәт хатлары тапшырды. Алар арасында - Яр Чаллы шәһәре мэры Наил Мәһдиев .
Шәһәр мәктәпләрендә «Аңлый торган укытучы» конкурсы старт алды. Конкурс «Шәһәр укучылар советы» балалар иҗтимагый оешмасы инициативасы белән оештырыла. Анда мәктәптә эшләүче һәр укытучы катнаша ала. Тавыш бирү мәктәп укучылары һәм ата-аналар арасында үткәреләчәк. Иң күп тавыш җыйган укытучы мәктәпнең иң «Аңлый торган укытучы» исеменә лаек булачак. Быел мәктәп этабында җиңүчеләр автомат рәвештә шәһәр конкурсында җиңүчеләр булалар. Шәһәрдә барлыгы 68 укытучы сайланачак. Конкурста кемнәр катнашканын мәктәп сайтларында һәм аларның социаль челтәрләрдәге рәсми аккаунтларында белергә мөмкин.
«Челныводоканал» Түбән Кама сусаклагычына чираттагы тапкыр балыклар җибәрде. Кама елгасына «Чаллы Яр» микрорайоны районында, су биологик ресурсларын яңадан торгызу өчен, 26 800 сазан балыгы җибәрелде (һәрберсе уртача 20 г авырлыкта). «Челныводоканал» оешмасы белән килешү нигезендә балыкларны Арча балык хуҗалыгы биргән.
