Хәзер 03:07
,
9.4 °C
Хәзер 03:07
,
9.4 °C
Яр Чаллыда аязучан болытлы һава торышы фаразлана. Кайбер урыннарда аз күләмле һәм уртача явым-төшем (юеш кар, яңгыр). Җил көньяктан секундына 4-9 метр, көндез кайбер урыннарда секундына 14 метрга кадәр көчәю ихтималы.
Бөек Ватан сугышында Җиңүнең 81 еллыгы алдыннан Яр Чаллыда, бөтен илдәге кебек үк, ел саен үткәрелә торган «Георгий тасмасы» патриотик акциясе старт алды. Ул язның төп бәйрәменә – 9 Майга кадәр дәвам итәчәк.
Бүген Үзәк районы хакимияте бинасында республика кан үзәгенең Яр Чаллы филиалы белән берлектә «Кан бүләк итеп – гомер саклыйбыз!» хәйрия акциясе узды.
Халыкара Чернобыль һәлакәтен искә алу көне алдыннан, Идел буе федераль округының «Менталь сәламәтлек» иҗтимагый проектын гамәлгә ашыру кысаларында, «Ышаныч» халыкка комплекслы социаль хезмәт күрсәтү үзәгенең көндезге тору бүлегендә социаль хезмәт алучылар өчен Чернобыль АЭСындагы һәлакәт нәтиҗәләрен бетерүчеләргә һәйкәл янына бару оештырылды. Бу чара менталь үзенчәлекләре булган кешеләрне шәһәрнең иҗтимагый һәм мәдәни тормышына интеграцияләү буенча киң колачлы эшнең бер өлеше булды.
Пәнҗешәмбе, 23 апрель көнне, 14:00дән 18:00гә кадәр «Нур» яшьләр үзәге базасында (Яңа шәһәр, 1/02) сугыш хәрәкәтләре ветераннарына, махсус хәрби операция катнашучыларына, аларның гаилә әгъзаларына, Бөек Ватан сугышы ветераннарына прокуратура, хәрби комиссариат, Ветераннар өчен госпиталь, Ватанны саклаучылар фонды, «Ышаныч» үзәге психологлары, махсус хәрби операция ветераннары советы вәкилләре катнашында хокукый һәм юридик ярдәм күрсәтү мәйданчыгы оештырылачак.
