Яр Чаллыда Евгений Архипов рәислегендә регламент, хокук тәртибе һәм халыкны тәэмин итү мәсьәләләре буенча даими комиссия утырышы узды. Утырыш барышында экстремизм һәм терроризмны профилактикалау һәм аңа каршы тору мәсьәләсе каралды. Мәсьәлә шәһәр тормышының төрле өлкәләренә кагылган.
Шәһәр мэрының коррупциягә каршы тору буенча ярдәмчесе Рамил Фәйсханов шәһәрдә объектларның террорчылыкка каршы якланмавын бетерү буенча эш алып барылуын хәбәр итте. Мәсәлән, мәдәният объектларында, кешеләрнең күпләп булган урыннарында видеокамералар урнаштырыла, физик сакчылар җәлеп ителә. Эш планлы рәвештә алып барыла һәм киләчәктә дә дәвам ителәчәк.
Яшьләр белән эшләү идарәсе башлыгы Ләйсән Видинеева хәбәр иткәнчә, деструктивлык билгеләре булган кешеләр төркемнәрен, куркыныч төркемнәрен киметү өчен төрле психологик чаралар үткәрелә, социализация өчен шартлар тудыруга аерым игътибар бирелә. Бу үз эченә спорт учреждениеләре, түгәрәкләр, студентлар хезмәт отрядлары һәм башка күп нәрсәләрне ала. "Профилактиканың төп юнәлеше - патриотик эш, яшьләрне иҗтимагый-файдалы эшчәнлеккә җәлеп итү», - дип ассызыклады ул.