Шәһәр укучылар советы депутатларына интеллектуаль уен үткәрделәр

21 апрельдә Россиядә билгеләп үтелүче җирле үзидарә көнен бәйрәм итү кысаларында «Шәһәр укучылар советы» балалар иҗтимагый оешмасы депутатлары өчен интеллектуаль уен узды.  

Интеллектуаль очрашу кысаларында укучылар Яр Чаллы шәһәре тарихы, җирле үзидарә нигезләре турында белемнәрен тикшерә алдылар. Шәһәр мэрларының эш хронологиясен төзү, шәһәр үзидарә органнарының иерархик схемасын төзү, Шәһәр Советы һәм гимн турындагы ребусларны чишү – бу чишәргә кирәк булган биремнәрнең бер өлеше генә булды.