Чаллылылар миләш, чыршы һәм карагачлар утырттылар

Шәһәрдәшләр бер көн эчендә 400 агач утырттылар. Чулман проспекты буенча 46 комплекс буйлап 160 карагач, ГЭС поселогы Әлмәт трактында – 100 чыршы, Чулман проспекты һәм М. Йосыпов урамы киселешендә 130 миләш утыртылды.

Сентябрь башыннан бирле Яр Чаллыда барлыгы 1 347 агач (чыршы, нарат, миләш, карагач, зәңгәр чыршы, тирәкләр, юкә, каен) утыртылды.