15 июнь көнне Табиблык-физкультура диспансеры хезмәткәрләре Яр Чаллы медицина көллияте студентлары-волонтерлары белән берлектә Марат Бибишев исемендәге Театр паркы территориясендә #ЧтобыЖитьДолго мәгълүмати кампаниясенә багышланган акция үткәрделәр.
Медицина хезмәткәрләре һәм студентлар халыкка йөрәк-кан тамырлары авырулары, артериаль гипертонияне профилактикалауда туклану роле, миокард инфарктын икенчел профилактикалау, шулай ук диспансерлаштыру турында методик әдәбият тараттылар.
2 июньдә Татарстан Республикасында йөрәк-кан тамырлары авыруларының риск факторлары һәм диспансерлаштыруның мөһимлеге турында халыкның хәбәрдарлыгын арттыру максатында бөтенроссия пациентлар берлеге тарафыннан оештырылган #ЧтобыЖитьДолго илкүләм мәгълүмат кампаниясе старт алды.