Чаллыда сулыклар ярларын чүп-чардан чистарту буенча «Россия суы» бөтенроссия акциясе үткәрелде. Ул «Экология» милли проектының «Уникаль су объектларын саклау» федераль проектының бер өлеше.
Чаллылылар Кама елгасының яр буе зонасын чүп-чардан чистарттылар. Экологик акциядә якынча 45 кеше катнашты. Алар - волонтерлар һәм шәһәрнең битараф булмаган халкы, гаиләләре белән килүчеләр дә булды.
Яшь Чаллы егете Николай Величко экологик чараларда инде 6 ел катнаша.
«Россия суы» акциясендә катнашучылар барлыгы 150 капчыктан артык чүп-чар җыйдылар.Шунысын билгеләп үтәргә кирәк, чүп-чарны шулай ук аерып җыйдылар.