15 ноябрьдә, Яр Чаллы яшьләренең тавышын хуплау кысаларында, «Нур» яшьләр үзәгендә мәктәп укучылары һәм студентлар арасында «Читтән караш» дигән дебат узачак. Дебатларда шәһәребезнең уку йортларыннан 16 команда катнаша. Алар Яр Чаллы дәүләт педагогия университетын, педагогия көллиятен, Казан инновацион университетын, медицина көллиятен һәм 35нче мәктәпне, 44нче, 45нче һәм 58нче мәктәпләрне тәкъдим итәчәкләр.
Катнашучыларга бирелгән темага чыгыш ясау өчен материал әзерләргә туры киләчәк. Үз позицияләре белән чыгыш ясау һәм аны аргументлар аша дәлилләү. Командалар чыгышыннан соң катнашучылар һәм җанатарлар үзләрен кызыксындырган яки аныклаучы сораулар бирә алачаклар. Уеннар йомгаклары буенча катнашучы командалар катнашкан өчен сертификатлар, җиңүчеләр-истәлекле бүләкләр һәм дипломнар алачаклар.