Чаллылылар бушлай вебинарда катнаша ала

8 декабрьдә 10:00 сәгатьтә «2023 елның 1 гыйнварыннан бердәм салым счеты аша салым түләүгә күчү турында» вебинар узачак. Вебинарның спикеры - Россия Федераль салым хезмәтенең Татарстан Республикасы буенча идарәсе җитәкчесе урынбасары Олеся Кузьмина. Чара барышында карала торган тема буенча кызыксындырган сорауларны онлайн режимда бирү мөмкинлеге булачак. Вебинар бушлай. Анда теләгән һәркем катнаша ала. Катнашу өчен сылтама буенча үтеп, ачылган биттә "Катнашам" билгесенә басырга кирәк.