Чаллылыларга "Кичке джаз" программасы тәкъдим ителде

20 июньдә Җиңү паркында чаллылылар һәм шәһәр кунаклары алдында "Визит" филармония эстрада-джаз оркестры чыгыш ясады. 

Салкын һава торышына карамастан, "Кичке джаз" концерты күпсанлы тамашачыларны җыйды. Вокалистларның тере башкаруыннан һәм инструменталь музыка тавышларыннан ләззәт алырга джаз сөючеләр һәм бәяләүчеләр, оркестр җанатарлары һәм моң яратучылар җыелган иде. Артистлар чыгышы тамашачылар күңеленә хуш килде.