Чаллы язучысын 70 яшьлек юбилее белән котладылар

Аяз Гыйләҗев исемендәге Татар драма театрында күренекле язучы, «Мәдәни җомга» газетасының баш мөхәррире, Татарстанның халык язучысы, Татарстан Республикасының Габдулла Тукай исемендәге Дәүләт премиясе лауреаты Вахит Шәйхенур улы Имамовка 70 яшь тулуга багышланган тантаналы кичә үтте.

Юбилярны Татарстан Язучылар берлеге рәисе Ркаил Зәйдулла, шәһәр хакиме ярдәмчесе Рамил Хәлимов, Башкарма комитет җитәкчесе урынбасары Винер Харисов котладылар һәм бүләкләр тапшырдылар.