"Болгар" бию театры коллективы «Сабантуй» Бөтенроссия милли бәйрәмендә катнашу өчен Әстерханга китте.
Бөтенроссия авыл Сабантуена Әстерхан өлкәсенә Россиянең 30 төбәгеннән меңгә якын артист киләчәк. «Болгар» бию театры һәм Татарстан Республикасының 150 алдынгы артисты Идел буе районының Три Протока авылындагы төп фестиваль мәйданчыгында чыгыш ясаячак.
Концертлар шулай ук Әстерханда һәм Нариман районының Старокучергановка авылында узачак, анда Татарстан Республикасы солистлары һәм иҗат берләшмәләренең зур концерты планлаштырылган.