19-31 август көннәрендә Екатеринбургта халыкара университет спорты фестивале уза. Масштаблы спорт чарасында 36 илдән студентлар катнаша.
Тхэквондо буенча ярышларның беренче көне Яр Чаллы дәүләт педагогия университеты студентларына җиңү китерде. Кызлар арасында 53 кг авырлыкта чемпион титулын Анна Казарновская алды. Ир-атлар арасында 68 килограммга кадәр авырлык категориясендә Сергей Кирсанов көмеш медаль яулады. Ярышларның икенче көнендә Илья Ракин 87 килограммга кадәр авырлык категориясендә көмеш призер булды.
Барлык тхэквондистлар физик культура һәм спорт факультеты студентлары.