Чаллы педагоглары «Россия тәрбиячеләре»IX Бөтенроссия конкурсының республика этабында җиңүчеләр булдылар. 45 нче «Машенька» балалар бакчасы тәрбиячесе Гүзәл Гарипова «Белем бирү оешмасының иң яхшы профессионалы» номинациясендә җиңү яулады, 84 нче «Серебряное копытце» мәктәпкәчә белем бирү учреждениесенең укытучы-дефектологы Татьяна Вершинина «Педагог-инфлюенсер» номинациясендә җиңүче булды.
Җиңүчеләрне бүләкләү Татарстан Республикасы Мәгариф һәм фән министрлыгында узды.
«Россия тәрбиячеләре» IX Бөтенроссия конкурсына йомгак ясау 2022 елның 17 декабрендә «Сәламәт бала тәрбиялибез» Бөтенроссия финал форумы кысаларында турыдан-туры трансляцияләнәчәк.
Конкурс Президент грантлары Фонды, Россия Федерациясе Мәгариф министрлыгы, «Россия тәрбиячеләре» «Мәктәпкәчә белем бирү илкүләм-тикшеренү институты» өстәмә һөнәри белем бирү автономияле коммерциячел булмаган оешмасы ярдәме белән үткәрелә.