14-19 май көннәрендә Л.В. Собинов исемендәге Саратов дәүләт консерваториясендә И.Я. Паницкий исемендәге V Бөтенроссия халык уен коралларында уйнаучыларның конкурсы узды. Конкурста 3 нче балалар музыка мәктәбе укучысы Руслан Сафин (укытучысы Эльмира Бәхтиярова) катнашты.
Жюри составында Россиянең танылган музыкантлары, илнең әйдәп баручы югары уку йортлары профессорлары утырды. Конкурста катнашкан 264 кеше арасында Петропавловск-Камчатск, Мәскәү, Санкт-Петербург, Әстерхан, Воронеж, Уфа, Казан, Тамбов, Тверь, Волгоград, Белгород, Екатеринбург һәм башка шәһәрләрдән музыкантлар булды. Искиткеч башкарылган программа профессиональ жюри тарафыннан лаеклы бәяләнде. Руслан Сафин I дәрәҗә Лауреат дип танылды.
Конкурс «Паницкий ватанында» Бөтенроссия халык-инструменталь сәнгать форумы - «Иҗади кешеләр» Федераль проекты «Мәдәният» милли проектының кысаларында узды.
Форум кысаларында фәнни укулар, әйдәп баручы башкаручылар һәм педагогларның мастер-класслары, шулай ук халык уен коралларында башкаруның актуаль мәсьәләләре буенча түгәрәк өстәл узды. Руслан Сафин М.И. Глинка исемендәге Түбән Новгород дәүләт консерваториясенең халык уен кораллары кафедрасы профессоры, ректор, профессор Юрий Гуревич мастер-классында катнашты.