10 меңнән артык чаллылы ГТО нормативларын тапшырды

«Хезмәткә һәм оборонага әзер» Бөтенроссия физкультура-спорт комплексы нормативларын 10 меңнән артык Чаллы кешесе тапшырган. Бу хакта атна саен уза торган матбугат конференциясендә физик культура һәм спорт идарәсе башлыгы Роман Насрединов хәбәр итте.

Нормативларны тапшыру мәйданчыгы бу шимбә, 7 август, Кама ярыммарафонында оештырылачак. Йөгерүчеләр «Җиңү» футбол манежы янына җыелачак.