Яр Чаллы шәһәрендә җәмәгать транспортында 44,5 млн кеше йөргән

Башкарма комитет җитәкчесе Фәрид Салахов Яр Чаллы шәһәрендә җәмәгать транспорты паркын яңартуны  2025 елның мөһим вакыйгасы дип атады. 

«2025 елда Татарстан Республикасы Рәисе Рөстәм Миңнеханов ярдәме белән автопарк 80 яңа «НЕФАЗ» автобусы белән тулыланды. Бүген «Горкоммунхоз» предприятиесендә 217 автобус бар. Алар 11 шәһәр маршруты буенча халыкка хезмәт күрсәтә. Һәр көнне маршрутларга 142 автобус чыга, алар 120 меңгә якын пассажирны йөртә», – дип ассызыклады Фәрид Салахов.