Тантаналар сараенда ана (гаилә) капиталына сертификатлар тапшыру тантанасы узды. 23 Чаллы гаиләсен котладылар һәм сертификатларны ЗАГС идарәсе башлыгы Равилә Зарипова һәм Чаллы шәһәренең социаль фонды җитәкчесе Руслан Шәңгәрәев тапшырдылар. Программаны гамәлгә ашыру башланганнан бирле (2007 елның 1 гыйнварында) Яр Чаллыда ана капиталына 56 638 сертификат бирелгән. Ана капиталы акчалары белән идарә итүнең иң популяр юнәлеше булып торак шартларын яхшырту тора, мондый мөмкинлектән сертификат хуҗаларының 80% файдаланган.